නිවැරදිව "බැක්පැක්" (Backpack) එකක් තෝරා ගැනීම

නිවැරදිව "බැක්පැක්" (Backpack) එකක් තෝරා ගැනීම

ආයුබෝවන්!!! 

සුබ දවසක් හැම දෙනාටම.

Scan Alpine ආයතනය (Scan Alpine Camping Equipment Store) මඟින් ඔබ වෙත සති පතා ගෙන එන තොරතුරු ලිපි මාලාවේ අද අප කතා කරන්නට බලාපොරොත්තු වන්නේ " නිවැරදිව බැක්පැක් (Backpack) එකක් තෝරා ගැනීම" සම්බන්ධවයි.එළිමහන් ක්‍රියාකාරකමක දී අවශ්‍යය කරන කෑම, වතුර, ඇඳුම් පැළඳුම් සහ අනෙකුත් උපකරණ සියල්ලම ඔබට රැගෙන යෑමට සිඳු වන්නේ ඔබේ Backpack එක තුළයි. එමෙන්ම සමහර කඳුතරණයන් පැය කීපයකට සීමා වුණත් සමහර ඉසව්වන් දින, සති ගණනක් පුරා දිව යනවා. එම නිසා ඔබේ නිවැරදි තේරීම, සම්පූර්ණ අභ්‍යාසය පුරාවට ම ඔබගේ සුවපහසුව හා ආරක්ෂාව කෙරෙහි සෘජු බලපෑමක් එල්ල කරාවි.

අපි Backpack එකක් භාවිතා කරන්නේ ඇයි කියන කාරණාව සැළකිල්ලට ගතහොත් ප්‍රධානවම පහත කරුණු සහඳන් කරන්න පුළුවන්.

• තමන්ට අවශ්‍යය කරන ආම්පන්න, උපකරණ නිසි ලෙසින් අසුරා ගැනීමට
• දෑත් නිදහසේ තබා ගැනීමට
• වැඩි ද්‍රව්‍යයය ප්‍රමාණයක් රැගෙන යෑමට
• රැගෙන යන ද්‍රව්‍යයන් ආරක්ෂිතව රැගෙන යෑමට

මේ අනුව අප Backpack එකක් තෝරා ගැනීමේ දී සැළකිලිමත් විය යුත්තේ ත් මෙම මූලික අවශ්‍යතාවයන් කොතරම් දුරකට ඉටු වෙනවා ද යන්නයි.

හොඳයි එහෙනම් බොහොම වැදගත් කරුණු කීපයක්, හැමෝටම කියවන්න පහසු විදියට කෙටියෙන් සඳහන් කරන්නම්.

• තමන්ගේ වුවමනාව නිවැරදිව වටහා ගැනීම

පැවැත්ම යනු බලාපොරොත්තුව, ඔබේ උනන්දුව පවත්වා ගැනීම සහ වැසි වැටෙන විට සිනාසීම - Bear Grylls

අධික මිලක් දී Backpack එකක් මිලදී ගැනීමට පෙර වෙළඳ පොලේ පවතින තේරීම් ගැන සොයා බලන්න. අන්තර්ජාලයෙන් සොයා බලන්න. මිල දී ගැනීමට පෙර ඔබ සතුව ඇති ගැටළු හා ප්‍රශ්න සෘජුව නිශ්පාදකයාගෙන් හෝ අලෙවිකරුවාගෙන් විමසා සිටින්න.

• අවම බරකින් යුක්ත වීම.

 ඔබට එතරම් විශාල ධාරිතාවක් අවශ්‍ය නොවේ නම්, 40-50L බැක්පැක් එකක් සලකා බලන්න

මතක තබා ගන්න. ඔබට තවත් බොහෝ දේ රැගෙන යා යුතු බව. දිගු අභ්‍යාසයක් පුරාවට අධික බරක් ඔසවා සිටීම ප්‍රියජනක අත්දැකීමක් නම් නොවේවී. නවීන තාක්ෂණයේ දියුණුවත් සමඟ නිශ්පාදනය වී ඇති අලුත් අමු ද්‍රව්‍යය, මෙලෙස යම් උපකරණය ක බර අඩු කිරීම කෙරෙහි සඳහා බොහෝ සෙයින් ඉවහල් වේ.

• විශේෂ ආකෘති හා නිර්මාණශීලිත්වය

Images from Rei.com

එළිමහන් ක්‍රියාකාරකම් ලොවපුරා අතිශයින් ජනප්‍රිය වීමත් සමඟ ඒ සඳහා වාණිජමය මැඳිහත් වීම වර්ධනය වී ඇත. මේ නිසා විවිධ නිශ්පාදන සමාගම් තම නිශ්පාදන කැපී පෙනීම සඳහා නවීන තාක්ෂණය භාවිතා කරමින් පර්යේෂණ සඳහා කාලය බොහෝ සෙයින් වැය කරමින් විශේෂිත ආකෘති නිර්මාණයක කර ඇත.

ඒ අනුව මූලිකව ම, ශරීරයට සුවපහසු ලෙසින් හා එල්ලාගෙන සිටින බර, ඔබට අවම ලෙසින් දැනෙන ආකරයෙන් විශේෂ ආකෘති සහ එහි පටි වලින් ශරීරයට අවම පීඩාවක් ලබාදෙන ආකාරයෙන් නිමැවූ Backpack එකක් සොයා ගන්න. නිතර වුවමනා වන කළමනා (වතුර, කෑම, විදුලි පන්දම්) ආදිය රඳවා තබා ගැනීමට ඉක්මනින් හා පහසුවෙන් භාවිතා කළ හැකි සාක්කු සහිත වීම මේ සඳහා තවත් උදාහරණයක්

• නිවැරදි විශාලත්වය

ඔබට අවශ්‍යය සියළු උපකරණ හා මෙවලම් රැගෙන යා හැකි වඩාත් විශාල නොවන, වඩාත් කුඩා නොවන Backpack එකකින් ඔබට ලැබෙන වාසි බොහොමයක් තියෙනවා.

• කාළගුණික තත්වයන්ගේ ආරක්ෂාව ලැබීම

ඔබ වැස්සේ කඳවුරු බැඳගෙන සිටින විට වැදගත් ආම්පන්න සම්පූර්ණයෙන්ම වියළී යයි සහතික කරගන්න

වැස්ස, හිම පතනය සහ අව්ව එළිමහන් ක්‍රියාකාරකම් සමඟින් අත්වැල් බැඳගත් බාධක හා අභියෝගයන්. ඔබ තෝරා ගන්නා Backpack එක මඟින් ඒ ඒ කාළගුණික තත්වයන්ට ලබා දෙන ආරක්ෂාව පිළිබඳව සැළකිලිමත් වන්න.

මතක තබා ගන්න. නිසි ප්‍රමිතියකින් යුතු Backpack එකක් භාවිතයෙන් කොන්ද හා උරහිස් ආශ්‍රිතව රෝගාබාධයන්ට ගොඳුරු වීමේ සම්භාවිතාව අවම කර ගැනීමටත්, වඩාත් සිත් සැනසීමෙන් ඔබ ප්‍රිය කරන එළිමහන් ක්‍රියාකාරකමෙ හි නිරත වීමට ඉඩ හසර ලබා දේවි.

එමෙන්ම තවත් විශේෂිතම වූ කරුණක්!!!

Backpack එකක් නිසියාකාරයෙන් පැළඳීම හා භාවිතයෙන් හොඳම එකක් මිලදී ගන්නා එක ද වැදගත්. අප ඒ පිළිබඳව වෙනත් දවසකින් වීඩියෝපටයකින් පැහැදිළි කිරීමක් කරන්නම්.

ස්තූතියි!

ස්කෑන් ඇල්පයින් තොරතුරු ලිපි මාලාව අංක.1

එළිමහන් හා ත්‍රාසජනක ක්‍රීඩා සඳහා සුදුසු උපකරණ හා ආම්පන්න තෝරා ගැනීම

ආයුබෝවන්!!! සියළු දෙනාටම.

එළිමහන් ක්‍රීඩාවලට හුරු වෙලා ඉන්න අපි කාටත්, ඒ සියල්ලන්ගෙන් මිඳී තම තමන්ගේ නිවෙස් තුළ, අපේම ආරක්ෂාව වෙනුවෙන් සීමාවී සිටීමට සිඳු වූ තවත් සතියක් මෙසේ නිමා වෙනවා.

පසුගිය සතියේ පොරොන්දු වූ අයුරින් ම අපි අද ඔබ හමුවට පැමිණෙන්නේ ස්කෑන් ඇල්පයින් තොරතුරු ලිපි මාලාවේ පළමු ලිපියත් සමඟයි.

මෙම ලිපි මාලාව බොහොමත්ම සරල භාෂා විලාසයකින් ඔබ වෙත ගෙන ඒම අපේ අරමුණ වන අතරම නිසි සිංහල යෙඳුමක් නොමැති අවස්ථාවලදී සමහර වූ වචන ඉංග්‍රීසී භාෂාවෙන් ම ඉදිරිපත් කිරීමට බලාපොරොත්තු වෙමු.

එමෙන්ම මෙම ලිපි මාලාවේ එන තොරතුරු සම්බන්ධයෙන් ඔබට වැඩි විස්තර දැන ගැනීමට වුවමනා නම් ඕනෑම මොහොතක අපගේ මුහුණු පොතට පණිවිඩයක් යොමු කරන්න.

“කූඩාරමක් (Tent), කඳු නඟින්න බෑග් එකක් (Backpack), කඳු නඟින්න දාන්න හොඳ බූට් දෙකක් (Hiking Boots), කැළේ ඇවිදින්න යනකොට අඳින්න ගන්න හොඳ පෙනුම තියෙන කළිසමක් (Hiking Trouser), මාලිමාවක් (Compass), කෑම්පින් කරන වෙලාවක පාවිචිචියට ගන්න හොඳ ළිපක් (Portable cooking stove).

අපි කවුරුත් ආසයි මේ වගේ ආම්පන්න, උපකරණ බොහොමයක හිමිකාරයෙක් වෙන්න.

අද අපි කතා කරන්න බලාපොරොත්තු වෙන්නේ ඔබ ආස කරන, ඔබට උවමනා කරන මේ උපකරණ හෝ ආම්පන්න මිල දී ගැනීමේ දී සළකා බැලිය යුතු කාරණා කිහිපයක් සම්බන්ධයෙන්.

බොහොම සරල මාතෘකාවක්  වගේ පෙනුණත්, මෙ සම්බන්ධව නිසි අවධානයක් යොමු කිරීම මඟින් ඔබගේ පසුම්බියට වගේම, ආසාවෙන් කාලයක් බලාගෙන ඉඳලා යන්න පිටත් වෙන එළිමහන් චාරිකාව අතරතුර නොසිතන අකරතැබ්බි වලට මුහුණ දීමෙන් වළකින්න පුළුවන්.

1.       අවශ්‍යතාවය

විනෝදයේ කොටසක් වන්නේ ඔබේ අවශ්‍යතා සපුරාලීම සඳහා ගෙන යා යුතු දේ සොයා ගැනීමයි

මෙහි දී මූලිකව අවධානය යොමු කළයුතු කාරණා කිහිපයක් සරලව දක්වන්නට පුළුවන්.

·         ඔබ මිලදී ගන්නා ආම්පන්න ඔබ භාවිතා කිරීමට බලාපොරොත්තු වන කාළගුණික හා දේශගුණික තත්වයන් පිළිබඳව සැලකිළිමත් වීම ඉතා වැදගත්.

·         ඔබට ඇත්තටම ඔබේ හිත රැඳුණු ඒ අලුත් ම මාදිලියේ  “ සපත්තු යුගලය” වුවමනා ද? යම්කිසි ආම්පන්නයක සැබෑ වුවමනාව නිසි ලෙසින් හඳුනා ගැනීමෙන් නොවුවමනා දේ සඳහා වියපැහැදම් කිරීම වළක්වා ගත හැක. ඇතැම්විට ඒ මොහොතේ ඔබේ සැබෑ වුවමනාවට වඩා අලෙවිකරණ මෙවලමක ශක්තිමත්බව නිසාවෙන්, ඔබ එම මිල දී ගැනීම කරනවා වන්නට පුළුවන.

·         ඔබගේ අභ්‍යාසයේ සංකීර්ණ බව මෙන්ම කොපමණ වාරයක් පාවිච්චි කරනවාද යන්න අවබෝධ කර ගන්න. ඔබ මිල දී ගන්නට අදහස් කරන ඔබගේ නවතම ආම්පනන්නය කොපමණ වාරයක්, කොපමණ මට්ටමකට භාවිතා කරන්නට යෙදේ ද යන්න පිළිබඳව සිතා බලන්න. උදාහරණයකට වෘත්තීය මට්ටමේ ඡායාරූප ශිල්පියෙක් අධික මිලකට හොඳම තත්වයේ කැමරාවක් මිල දී ගැනීම සහ මාස කිහිපයකට වරක්, කළාතුරකින් ඡායාරූප කිහිපයක් ගැනීමේ ආසාව යනු අන්තයන් දෙකක් බව පැහැඳිලිව වටහා ගන්න.

2.       ගුණාත්මක බව

හිම මත නිදා සිටින විට ඔබට දැනෙන සීතල, කිසිවක් සමඟ සැසඳිය නොහැක

    

භාණ්ඩයක ගුණාත්මක බව සැළකීමේ දී අපට උපයෝගී කර ගත හැකි සරල මිනුම් කිහිපයක් ගත හැක.

•     සන්නාම නාමය (Brand Name)

හොඳ සන්නාම නාමයක මිල තරමක් ඉහළ අගයක පැවතිය හැකි නමුත් ඔබ අසීරුවන් උපයා ගන්නා මුදලට සාධාරණයක් බොහොමයක් අවස්ථාවල බලාපොරොත්තු විය හැක. මෙයට මූලිකම කාරණා ලෙස ජනප්‍රිය සන්නාම නාම යටතේ එන උපාංග ගුණාත්මක බව පිළිබඳව පරීක්ෂණ රාශියකට භාජනය කිරීමන් අනතුරුව වෙළඳ පළට නිකුත් කිරීම සහ ගුණාත්මක භාවයෙන් අඩු නිශ්පාදනයක් අලෙවිය මඟින් සිඳුවන ලාභයට වැඩියෙන් පාරිභෝගිකයා සන්තෘප්ත කිරීම මඟින් තම සන්නාම නාමය වෙතට පාරිභෝගික බැඳීම ඇති කර ගැනීමට ඔවුන්ගේ කැමැත්ත දැක්විය හැක.

නමුත් පාරිභෝගිකයයෙක් ලෙසින් සෑම අවස්ථාවක ම නිසි විමසිල්ලෙන් ඔබගේ භාණ්ඩා තෝරා ගැනීම කළයුතුය. එමෙන්ම ඉතා ප්‍රචලිත සන්නාම නාමයන්ගේ පවා ඇතැම් නිශ්පාදන ඉතාමත් ප්‍රචලිත හා සාර්ථක වන අතරම ඇතැම් නිශ්පාදන අසාර්ථක වේ.

3.       ජීවිත කාලය සඳහාම කරනු ලබන ආයෝජන

ඔබට සෑම විටම අභියෝගය තෝරා ගත නොහැකි, නමුත් ඔබට සෑම විටම නිවැරදි ආම්පන්න තෝරා ගත හැකිය - Bear Grylls

මෙම සමහර ආයෝජන ඔබ කිරීමට බලාපොරොත්තු වන්නේ ජීවිත කාලය පුරාවටම විය හැක. උදාහරණයක් ලෙසින් කූඩාරමක් දැක්විය හැක. හොඳින් වෙළඳපොළ අධ්‍යයනයක් කිරීම මඟින්, යම්කිසි වැඩි ආයෝජනයක් කිරීමෙන් වුවද හොඳ වර්ගයක කූඩරකමක් මිල දී ගැනීම බාල මට්ටමේ කූඩාරමක් සඳහා අවස්ථා කිහිපයක වියදම් කිරීමට වඩා ලබාදායකය.

4.       වෙළඳපොළ පරීක්ෂණය

වැරදි ලෙස පැළඳ සිටින හොඳ බෑගයක් තවදුරටත් හොඳ බෑගයක් නොවේ

ඕනෑම ආයෝජනයකට පෙරාතුව හොඳ අධ්‍යනයක් කිරීම ඉතාමත් වැදගත් වේ. ඔබ මිල දී ගැනීමට බලාපොරොත්තු වන දේ පිළිබඳව හොඳින් සොයා බලන්න. අන්තර්ජාලයේ ඒ සම්බන්ධයෙන් පළ වූ අදහස් කියවා බලන්න. ඔබට පෙර එම මිල දී ගැනීම් කළ පුද්ගලයන් ගේ අදහස් ඔබට බෙහෙවින් උපකාරී වේවි. එමෙන්ම අත්දැකීම් හා ඒ සම්බන්ධයෙන් නිසි අවබෝධයක් ඇති අයගෙන් අවවාද ලබා ගන්න. නිශ්පාදන ආයතනය සෘජුව ඇමතීමෙන් ඔබ සතුව ඇති ගැටළු ඉදිරිපත් කර විසඳුම් ලබා ගන්න.

5.       බර

ඔබ එළිමහන් ක්‍රියාකාරක්ම වල දැනටමත් නියැලෙන්නෙක් නම් ඔබ සතුව ඇති සෑම උපකරණයක්ම උපරිම සැහැල්ලු ලෙසින් නිමවා තිබෙනු දැකීම ඔබගේ කැමැත්ත බව ඇත්තක්. එමෙන්ම පහසු ලෙසින් ඇසිරීමට හැකි වීමත් ඉතාමත් වැදගත්. එමඟින් පහසුවෙන් ඔබ නියැලෙන එළිමහන් ක්‍රියාකරමේ නියැළීමට හැකියාව ලැබේවී.

6.       මිල

භාණ්ඩයක මිල, ගුණාත්මක භාවය හා නිමාව යන කාරණා එකිනෙක සමඟින් බොහොම තදින් බැඳී තිබෙන බව ඇත්තක්. නමුත් පාරිභෝගිකයන් ලෙසින් අප සිහි තබා ගත යුතු කරුණක් නම්, මිලෙන් වැඩිම නිශ්පාදනය හොඳම නිශ්පාදන නොවන්නා සේම හැමවිටම මිල අඩුම නිශ්පාශනය බාල නිශ්පාදනයක් ලෙස හැඳින්විය නොහැකි බවයි. ඇතැම්විට අධික මිලෙන් යුතු ආනයනය කරනු ලබන නිශ්පාදනයකට සාපෙක්ෂව රටේ පවතින දේශගුණික තත්වයන් පිළිබඳව වඩා හොඳ අවබෝධයක් සහිතව මෙරට තුළඳීම නිශ්පාදනය කරනු ලැබූ ආම්පන්නයක ගුණාත්මක බව වැඩි විය හැක.

7.       අලෙවියෙන් පසු සේවාව

ඔබ මිලදී ගන්නා සෑම භාණ්ඩයක් සඳහාම එම ආයතනය මඟින් ලබා දෙන අලෙවියෙන් පසු සේවාව පිළිබඳව විමසා සිටින්න. ඒ සඳහා වගකීම් සහතිකයක් ලබා ගන්න. එම වගකීම් සහතිකය සඳහා වලංගු වන  තත්වයන් අලෙවියට පෙර විමසා දැණුවත් වන්න. එම තත්වයන් පිළිබඳබ ඔබට සෑහීමකට පත්විය නොහැකිනම් ඒ පිළිබඳව ඔවුන් හා සාකච්ඡා කර වඩා හොඳ සේවා සහතියක් ලබා ගැනීමට උත්සාහා කරන්න.

8.       ඔබගේ භාණ්ඩ හා සේවා සපයන්නා

ඔබට හොඳම පාරිභෝගික සමාලෝචන නොමැති නම්, ඔබ ඔබේ නිෂ්පාදනය වැඩි දියුණු කළ යුතුය - Scan Alpine 

ඔබ මිලදී ගැනීම සිඳු කිරීමට බලාපොරොත්තුවන ආයතනය පිළිබඳව හොඳ අවබෝධයක් ඔබ එම වෙළඳ සමාගමට පිය නැඟීමට පෙරාතුව ලබා ගෙන සිටීම ඔබට වාසි සහගත වේවි.

ව්‍යාපාරයක් ලෙසින් ඕනෑම ආයතනයක අරමුණු ලාබ උපයා ගැණීම වුවද ඇතැම් සමාගම් ඉන් ඔබ්බට යමින් තරුණ ක්‍රීඩකයන් ට ආකර්ෂණීය වට්ටම් ලබා දීම, පහසු ගෙවීමේ ක්‍රම සැළසීම වැනි පහසුකම් සැපයීම සිඳු කරනු ලබයි.එමෙන්ම ආනයනික භාණ්ඩ වල මිල සාපේක්ෂව ඉහළ අගයක් ගනු ලබන්නේ එම ආනයනික ක්‍රියාවලිය සඳහා ද එම ආයතන යම් වියදමක් දරනු ලබන නිසාවෙන්. 

අන්තර්ජාතික තත්ව සහතිකයන් ට අනුකූලව භාණ්ඩ දේශීයව නිශ්පාදනය කරනු ලබන ආයතන මඟින් වැඩි සහනයක් ඔබගේ පසුම්බිය ලබා ගත හැක.

නමුත් මතක තබා ගන්න. නිශ්පාදනයක මිල, ගුණාත්මක බව හා නිමාව එකිනෙකා හා තදින් බැඳි පවතින බව. නිසි සොයා බැලීමකින් තොරව කරනු ලබන මිලදී ගැනීමෙන් ඔබට කාලත්, මුදලත් මෙන්ම අමිහිරි මතකයන් ද උරුම විය හැකි බව.

එසේනම් ලබන සතියේ ත් ස්කෑන් ඇල්පයින් තොරතුරු ලිපි මාලාවේ තවත් ලිපියක් සමඟින් නැවත හමුවෙමු.

මෙම ව්‍යයසන කාලය තුළ නිවසේ රැඳෙන්න. සුරක්ෂිතව ඉන්න.